Benvidos ó noso blog. O instituto IES Praia Barraña
Benvidos ao blog dos alumnos de TICS do 2º curso de Bacharelato, do IES Praia Barraña. Este é un espazo onde os protagonistas seremos nós, os alumnos, e onde compartiremos noticias e anuncios realcionados co noso centro, ademais das nosas opinións e experiencias vividas nesta viaxe a través do noso último curso no centro.
O obxectivo deste blogue será crear un lugar onde poderemos expresarnos, informar, e, sobre todo, conectarnos cos nosos compañeiros e con todos aqueles que queiran coñecernos algo mellor.
Este blog recibirá actualizacións semanais e na creación e actualización do mesmo colaboraremos os seguintes alumnos: David Ardila, Brais Canosa, Héctor Outeiral, Pedro Saborido, Xavier Polo, Gonzalo Sainz, Lucas Lijó e Carla González.
A continuación podedes ler xa a nosa primeira entrada propiamente dita, a cal introducirá o noso instituto: o IES Praia Barraña.
--------------------------------------------------------------------------------------------------------------------------------------------------------------------
O día de hoxe hai 40 anos, o 13 de outubro de 1983, inaugurouse o Instituto de Bacharelato Mixto de Boiro e cubríase así unha necesidade histórica para todo o alumnado que tiña que se desprazar a institutos doutros concellos. Nestas catro décadas de existencia do centro teñen pasado polas súas aulas milleiros de alumnos e alumnas cargados de expectativas e centos de profesores que puxeron medras no prestixio do centro. Debido á súa situación privilexiada sobre a ría de Arousa, no curso 1998/99 o centro cambiou o seu nome polo de IES Praia Barraña, como o coñecemos agora.
Nun principio, o Instituto acolleu alumnado de BUP e C.O.U., mais coas diferentes reformas educativas foi ampliando a súa oferta e hoxe ten aulas con Programas de Mellora da Aprendizaxe e o Rendemento (PMAR), ESO e Bacharelato; onde ademais das modalidades de Ciencias e Tecnoloxía, Humanidades e Ciencias Sociais, inclúe a de Artes Plásticas, Deseño e Imaxe, sendo o único instituto da comarca que ofrece esta modalidade; polo que o centro recolle alumnado non só de Boiro, senón tamén doutras vilas veciñas con alumnos que queiran estudar o bacharelato artístico.
Con importantes éxitos na formación do seu alumnado, o IES Praia Barraña segue a acadar altos resultados nas titulacións da ESO ou nas probas de Avaliación de Bacharelato para o Acceso á Universidade (ABAU), e continuamente participa en proxectos nacionais e internacionais, enfocados ao intercambio educativo e cultural e á mellora da calidade na aprendizaxe de idiomas que se imparten nas seccións bilingües.
A min este blog pareceume moi interesante , xa que aprendín cousas do meu centro que non sabia.
ResponderEliminarEncántame que haxa un blog dedicado ao instituto. Podémonos decatar de todas as novas do noso centro nun sitio online. Ademais a xente que non está no noso instituto pode ver todas as cousas que facemos e asi pode facerse unha idea de como é o noso insti. Moi boa idea.
ResponderEliminarA.P.C. 2º ESO B
Pareceme unha forma moi bonita de expresar Galicia tal e como e , e dalle bo ambiente ao instituto.
ResponderEliminar